Dybynota “Latgolys Saeima”

Rēzeknē tyka sasaukta bīdreibys “Latgolys Saeima” dybynuošonys saīsme. Apstyprynuoti statuti, par vaļdis prīšksādātuoju īcalts Jurs Viļums, par juo vītnīku – Andris Slišāns. Vēļ vaļdē ībolsuoti: Ilga Šuplinska, Valdis Labinskis i Arvids Turlajs.
Bīdreiba “Latgolys Saeima” par sovys darbeibys mierkim ir izvirziejuse: sekmēt Latgolys administrativuo regiona izveiduošonu, nūdrūšynuot kvalitativu diskuseju (sabīdriskūs organizaceju, pašvaļdeibu, uzjiemieju, vaļsts īstuožu i cytu īinteresātūs personu vydā), kūpeiga Latgolys redzīņa puorstuovnīceibu, latgalīšu volūdys, kulturys i socialekonomiskūs interešu aizstuoveibu.